Hallo Zäme

Mis Mami Pandora het mi am 4.4.2013 gebore!

I heisse Imero u bi äs hübsches Fuchshängschtli.

Dr Afang isch schwär gsi, i bi hingerzi ufem Rüge uf d`Wäut cho.

Ohni d`Hiuf vom Tierarzt Lorenz Metzger u mire Familie häti`s nid gschaft.

Zersch hei si mi ufghäicht um aues Wasser us der Lunge z`schüttle.

När hei si mi beatmet u Härzmassasch gmacht, aber plötzlich  ha ig sälber chönne schnufe.

Z`Mami het mi ganz süferli gschläcket u i ha ä chli chönne löie.

När het`s aber no Sprütze gäh. Di hani de gar nid gärn gha, aber es het gheisse die müesse si.

So jetz hätti söuä ufstah, aber mini Bei si ganz verläge gsi u hei mir nid gfouget.

Si heimer mini Fesselglänk gschinet u geng ume gmassiert.

Tierärzti Barbara Knutti u der Ruedi si äxtra zu mir cho u hei mir es

spezieus  Medikamänt gsprützt.

Di erschti Ziit ha i au Stung mi Miuch im Schoppe übercho, i bi z`schwach gsi zum ufstah.

Di gueti Miuch het mini Läbesgeischter gweckt.

Zitze vom Mami währ besser, auso hei si mir gäng bim ufstah ghoufe u i ha säuber chönne trinke.

Am 4. Tag hanis gschaft, i bi ganz alleini ufgstange u bi mega stolz gsi. D`Fröid bi mire Familie isch riisig, di si ganz usem Hüsli gsi!

Leider isch mir s`Mami ir Ufregig uf mis rechte Bei gstange.

Jetz ha i ä grosse Blätz u mues ä Verband ha, das isch läschtig.

Zersch mues i zum Brunne loufe u de düe si mit Wasser spüele.

Zrüg ir Boxe mues i ablige, schön stiu ha u de tüe si mir ume ä nöie Verbang druf.

We d`Nadja da isch, darfi mi Chopf uf ire Schos lege u si chüschelet mir luter liebi Sache its Ohr.

So baud bi i scho 1 Monat aut. Mini Bei si no chli chrum aber i bi scho schnäu wi der Blitz uf dr Weid. Sunne, früschi Luft u das grüene Züg am Bode si toll.

Bis gli öie Imero